كلٍ يقول الزين كله بخلي***أكيد ما شافوا من الزين حاجه ما شافوا اللي رمش عينه مظلي***قلبي تكسر منه كسر الزجاجه خلٍ ذبحني بالغلا والتغلي ***ربيع قلبي شوفته وابتهاجه هو روح روحي هو بعد كل من لي***لا شافني زعلان يضحك حجاجه ويفز لي فزة محبٍ يهلي ***هو طب جرحٍ ما عرفتوا علاجه وليشاف غيري صد كله رضاً لي***حتى نظر عينه عن الناس عاجه ما غير أناظر بالخلايق تسلي ***والله علم عن خافقي وش مزاجه أوادعه ودموع عينه تهلي***ما باعني قلبه بموسم خراجه

أنسني قلبي الجبار صد ونسى ***ما جرى له بحبك وانشغل بالجديد راح وقتٍ أردد به ياليت وعسى ***جعل هاك الليالي بيننا ما تعيد لا تحاول لمن هو صد عنك وقسى ***خالي الود مثلك ودك إنه بعيد يا هلا بالهموم ويا هلا بالأسى***يومها حققت لي كل ما كنت أريد يحسبني أفكر فيه صبح ومسا ***ما درى قلبي الشفاف عود حديد مركبي في مراسيه الجديدة رسى ***وبالغرام اهتنينا والمحبة تزيد

يا مسجل اسمي في سجل الحيارا *** خلقت من هم المشاعر قضيه مالي بحبك يا حبيبي خيارا *** قلبي تولع فيك غصبٍ عليه تسوا حياتي يا ملاك العذارى *** لا والله أغلى من حياتي وحيه عليك كن هموم قلبي تبارا *** الى دله همٍ بلشت بخويه وراع الهوى به ما يفيد المدارا ***أضحك معك وجروح قلبي خفيه تسمر عيوني مع عيون السهارى *** والوصل ما ظلل على الصبر فيه ازرع بك الآمال وضح النهار *** ويشعل فتيل الصبر باكر قفيه أحلام حبي في وصالك كبارا *** ولا تحقق لي من الحلم شيه