أحــدْ يبــنــي بدنـيــاه ويــهـدِّي*** بغــيــت أصــبــر ولكــن باح سدِّي عجــايب هالزمــان الله يكــافي***طويــلة مالهــا بالكــون حدِّي إلى بَرَّقــتْ فيـــهــا ضاق صدري***وش آخــذ ويش أخــلِّي ويش أعـدِّي أنــا في خـاطري كلمــة خفـــيــه***ابــظهــرهــا ولو ماهــوب ودِّي ولا أحــد يســتــشك إنّــه هدفهــا***وانــا ماقــلتــهــا قصـــدي تحـــدِّي أحــد يخــطي وهو ماهــوب يدري***يحــســبــه تايــه الراي.. متــقــدِّي وأحـــد ينـــطحــك لاجـاله بحاجه*** ولامــنّـــه قضــاهــا عنـك صدِّي واحــد يلعــب على الحبلين دايم***ضعــيـفٍ لا يجــيــب ولا يودِّي ونــاس ٍ ماتــفـيـد بهــا الجمـايل***تراهــم مابــهــم مخـــلوف كـدِّي وانــا منــهـم بري والشاهد الله***وطرف العــين فيــهــم مايــــلدِّي جليس الســو ماهــو صاحبٍ لي*** أنــا ضدِّه وهـــو خصمي وضـدِّي إلى جا.. قلت يقــعــد مثـل غيره***والى أقــفــى قلت جعله مايـردِّي أنــا ويّــاه مانــصـــلح بديـره***إلى منــه نزل فيــهــا نشــــدِّي يدوِّرْ له من العـــربـان مثله***على قدّه وأنــا ماهــوب قتدِّي إلى جامــلت وليــاهــا مصيبه***وإلى صرّحـــت قالوا مستــبـــدِّي ابصبـر مثل صبر أيـوب لكــن*** بطول الوقت مانــي مســتـعـــدِّي وعــرف الطيبين أكـبـر تجــاره***تراهــا كل يوم ٍ تســتــــجدِّي مشاهـدهــم على عز ومـعـزّه***تريــح خاطرك وأنـت متــعــــدِّي وجليس الخير يضحك له حجاجي*** واعدّه مثل أخوي وصلب جـدِّي

قـلـــت الله الله ميِّــتٍ فيــك بالحيل***مختـــال شـــوفي حـــار بيني وبينك وبين الرموش اللِّي وقف عدلها ميل***وعبـــثٍ تنثَّر فــوق صـــافي جبينك تلقاني اكتب لك قصيــدي مــن الويل*** يظْــهِـرْ خفا نفسي على الناس زينـك ارسمك ضي ٍ يقهر الجــدي وســهيل*** واسلّــمَــكْ كلّ النــجـــوم بيــمـــينك ابيــك تسترني عــن النــاس بالليـل***وقَّــفْ هــــوانا بين جيدك وعينــك

يفــداك من شافــك على مرّ الايــام*** ياتــاج راسي في ليــال الشـــدايــد إن رحــت زارتـنــي هواجـيس وأوهــام***وإن جيــت راح الهـــم عنِّـــــيْ بدايــد وإن زرتني بـالـطيــف والاّ بالأحـــلام*** كتــبـت فيــك أجــمــل حروف وقصـايد في حــرب حــب عيـونك السود من عام***مــاعــاد للــغــاليــن قبـــلك شــرايـد فيـــك أنـــت قلبٍ منك ياصاحبي هام***لأجــل الــغــلا يــاطــا علــى كـلّ كــايد ولا يبيع الشــوق لعيــون مــن ســـام*** مــن غيــر حــبّـــك مــايريــد الفـــوايد حــبٍّ عــظـيـم بــالـغــلا يلـزم إلزام***الخــافــق اللِّــي بــالهــوى له عـــوايد إهدْ المنام لعاشق ٍ مابعد نام*** روس الأصــابـع له فــراش ووســـــايد