القائمة الرئيسية


تغذيات RSS

02-19-1436 07:54

هذه القصيدة في حضرة صاحب السمو الأمير سعود بن محمد بن عبدالعزيز حفظه الله
لا والله ألا ربعت روضة خريم= من يوم فيها سعود بنى خيامه
القاع خضرا والسحايب مجاهيم=والعشب يشرب من دموع الغمامه
والشاعر اللي يبتدي القول تسليم=شاف الربيع وسج يبدي سلامه
ويوم انتبه قدم تحيات تعظيم=لك يا زعيمٍٍ تستحق الزعامه
لك يالأمير اللي تذري عن الضيم=يا درعنا اللي حافظينٍ مقامه
شوفتك تسعدنا بكل المفاهيم=ورضاك غاية من صدق في كلامه
راسٍ تعلا الروس للعز ومقيم=في منقع أهل الطيب وأهل الشهامه
متسلسلٍ من راس من مات ما ليم=عاش ورحل ما داس درب الملامه
محمد اللي علم الطيب تعليم=لعياله اللي حاملينٍ وسامه
من روس قومٍ كرموا الأرض تكريم=والمجد بالتاريخ ذروة سنامه
للدين عز وللمعادين تحطيم=وللعز رمزٍ لين يوم القيامه
آل السعود اللي بملة ابراهيم=وشرع النبي طه تقود الجهامه
إسمٍ سطع يوم الاسامي بترهيم=إسمٍ ذرى للعرب شرقه وشامه
يا أمير يوم الطيب حظ ومقاسيم=قسمك نسانيس البعير وسنامه
انت الكريم اللي تعز المعازيم=وانت الشجاع اللي خواله عمامه
والمدح فيك يتيه ويضيع ويهيم=ويلقي مكانه فيك منكب وهامه
يا سعود يا أمير الوفا والملازيم=في مدحك الشاعر يجمل كلامه
ينقادلك قود الجمال المخازيم=الشعر مثل الزاد وإسمك ايدامه
عساك ذخرٍ في الليال المقاديم=للي يعدك في الشدايد حزامه
قلته وأنا عيني على روضة خريم =من يوم فيها سعود بنى خيامه



الشاعر سلطان بن وسام الهاجري

تعليقات 0 | إهداء 0 | زيارات 633


خدمات المحتوى


الشاعر سلطان بن وسام الهاجري
تقييم
1.01/10 (37 صوت)

Powered by Dimofinf cms Version 3.0.0
Copyright© Dimensions Of Information Inc.