القائمة الرئيسية


تغذيات RSS

02-25-1428 02:18




مشاكاة موجهه لسمو الأمير سعود بن محمد بن عبد العزيز



صون الهوى يا سيد تلعات لعنوق = وارفق بحال اللي يحبك ويهواك
بيني وبينك حب والعهد موثوق = مادام دنيانا مع الناس ما انساك
أرمس وصوتي من القهر منك مخنوق = والشوق يبكيني و لاعمره أبكاك
خدرتني لا احس لاعي ولا افوق = من سهم عينك لي بها السحر فتاك
كنه شعاع الشمس في خدك اشروق = وستار داجٍ فوق لمتان غطاك
عليك يا سيدي الغرانيج مرموق = ثوب الجمال ابكامل الزين زهاك
أجيد لك شعري على كل طاروق = واسهر واناجي في دجى الليل ذكراك
نبقى على الميثاق وافين واصدوق = حب الوفا يبقى وفي بيني وياك
أعن لك عنة هل الكيف والذوق = ونور العذارى ما ضيالي بغدراك
وانته تحملني على ذراف الموق = نار الوله ويزيد هاهم فرقاك
يا سعود انا حالي من الشوق محروق = اشكي عليك أما جرالي ويخفاك
يا سابحٍ بحر الشعر غزر وعموق = أكيد ما قد صابني من الهوى ياك
شفني سليب ما بقا فيه ملحوق = أقصر خطا لقدام والشوق ينصاك
سلام لك يا صاحب الفن والذوق = وسلام من قلب الامارات جدواك




محمد بن راشد ال مكتوم






رد سمو الأمير سعود بن محمد بن عبد العزيز آل سعود على الشيخ محمد بن راشد




ياللي بنار خدود الأحباب محروق = الحب جناته بها النار تصلاك
لذة غرام الخود في زايد الشوق = حتى تذوق الشهد في يوم لقياك
ريم هضيم الكشح والعنق منتوق = شكله ومنطوقه عن البيض سلاك
غصن ٍ رشيق يلبس التاج والطوق = يهجر وياصل ويتغلا ويجفاك
بينك وبينه باب الأوهام مغلوق = يظهر لك الجفوى ولو كان يهواك
اللي تبي لازم يجي منه لك عوق = لو هو مود ٍ لك وسكان بحماك
وين الذي من رق الأحباب معتوق = عادة جميل الورد تحميه الأشواك
والله مالومك لو تشكيت مسبوق = كم طيبً مثلك شكى مثل شكواك
الحب يا محمد يسوق القدم سوق = لو ما نصيت اللي يحبك تنصاك
أكيد ما مثله من الناس مخلوق = اللي تحكم فيك واشغلك وأغرك
حول على البيض المزايين من فوق = مثل القمر والشمس يجري فالأفلاك
يا مخجل البدرين بغروب وشروق = ومنور الدنيا بطلعة محياك
إرحم حبيبٍ حرّم النوم والذوق = أقصى منى نفسه وصالك ورؤياك
قلبه من أقصى مهجة الروح مفتوق = ولا يخيطه كود مزة شفاياك




الأمير سعود بن محمد بن عبد العزيز آل سعود




تعليقات 0 | إهداء 3 | زيارات 2865


خدمات المحتوى


شعر الأمير سعود بن محمد بن عبد العزيز آل سعود
شعر الأمير سعود بن محمد بن عبد العزيز آل سعود

تقييم
1.01/10 (46 صوت)

Powered by Dimofinf cms Version 3.0.0
Copyright© Dimensions Of Information Inc.