حضري يا هجوسي والبخل جنبيه = واقطفي من بيوتٍ مال عنقودها


لك عوايد كرم والجود ما ننتسيه = في ليال السعد والولي يقودها


والقمر في مسيره حاولي سامريه = لين تطلع عليّ الشمس بشهودها


وامدحي راشد وخاله وجده وابيه = دام سطح البسيطه ما وقف نودها


راشد الطيب كلّه حايزه في يديه = ما بقى للأوادم شئ ٍ يزودها 


افتخر يوم أنا سميت راشد عليه = للمعالي تشوش الروس وزنودها


وراعي المعجزات الناس تثني عليه = وحدة من عشر بخطام وقيودها


جدك سعود جاء لا وحدتٍ تحتريه = مع ولدها بعد ما ضعفت إعضودها


وارس ماله لحاله موتر ٍ يمتطيه = في سنين مضت ما عاش محسودها


قال لك موتري هذا واللي عليه = خايف ٍ لا تبيح الناس بسدودها


لا عطى مدته تغني الفقير وذويه = ما حسب قصرت الايام من زودها


وخاله اللي على الطويلات طالت يديه = تشهد ادبي اله بالطيب ووفودها


شيخ كل الشيوخ ولا احدٍ غطى عليه =  في جميع الدول والأرض وحدودها


وأرجع المدح أمير ٍ ماذكر له شبيه = ما يشبّه بناس ٍ تضعف جهودها 


شاعر آل سعود اللي عليه الوجيه = تلتفت يمّه ليا زادت إعقودها 


حلو مر ٍ على كل الدعوي نبيه = طب كبد وكبود إيزوّد الهودها