لا باس يا نجل الذي حي ما مات=حتى ولو انه بوسط اللحودي


 اللي رفع للدار بالعز رايات=فهد العرب فهد الملوك السعودي


 عليه من شعبه سلام وتحيات=في كل عام ويوم منهم تزودي


 يا نجل خادم بيت ربي سلامات=تقوم سالم يا عريب الجدودي


 انت الذي يا طيّب الذات بالذات=عساك دايم للعرب فالوجودي


 بالطيب ما مثلك من الناس هيهات=طيبك تعدى من وفاك الحدودي


 مواقفٍ تنشاف واخرى خفيّات=بيض المكارم ما عليها شهودي


 طيبك طبيعه ما يبيله دعايات=عليك حظ الغانمين معقودي


 بحر ٍ تلاطم بالسخا والمروات=على موارد نبع طيبك ورودي


 يالواصل اللي في حقوق القرابات=مواقفك دايم تبل الكبودي